ឌឹអុីរ៉ាវាឌី ដូលហ្វីន
ខ្មែរ
អង់គ្លេស
កាលពីថ្ងៃសុក្រ ទី០៧ ខែមិថុនា ឆ្នាំ២០២៤ កន្លងទៅនេះ គណៈកម្មការសាលា និងលោកគ្រូ អ្នកគ្រូ នៃសាលារៀន អន្តរទ្វីប អាមេរិកាំង បានរៀបចំការប្រកួតចំណេះដឹងភូមិសាស្រ្ត ម៉េងលី ជេ. គួច លើកទី១០ វគ្គផ្តាច់ព្រ័ត្រ ដែលកម្មវិធីធ្វើនៅសាលប្រជុំ សូវ ហុងគុយ អគារ លីម គីមណយ នៃសាលារៀន អន្តរទ្វីប មេរិកាំង ហើយគ្រប់សាខាដែលបានជ្រើសរើសបេក្ខជនដែលជាសិស្សពូកែប្រចាំសាខារៀងៗខ្លួនដើម្បីចូលរួមការប្រកួតនេះ។ ឆ្លងកាត់ការប្រកួតយ៉ាងស្វិតស្វាញ សិស្សឈ្មោះ វុទ្ធី រស្មី សាខាម៉ៅសេទុង (ការិយាល័យកណ្តាល) ជាមា្ចស់ជ័យលាភីលេខ១ សិស្សឈ្មោះ ចៅ យិញហ្វុង ជាមា្ចស់ជ័យលាភីលេខ២ មកពីសាខាទួលគោក និងសិស្សឈ្មោះ ចេង ហ៊ុយឡេង ជាមា្ចស់ជ័យលាភីលេខ៣ មកពីសាខាទួលគោក ក្នុងការប្រកួតវគ្គផ្តាច់ព្រ័ត្រនេះ។ នេះជាលើកទី១០ហើយដែលសាលារៀន អន្តរទ្វីប អាមេរិកាំង បានរៀបចំការប្រកួតចំណេះដឹងភូមិសាស្រ្ត ម៉េងលី ជេ. គួចនេះ ដែលការប្រកួតនេះធ្វើឡើងសម្រាប់ប្អូនសិស្សានុសិស្សថ្នាក់ទី៧ ដល់ថ្នាក់ទី១២។
រង្វាន់សម្រាប់អ្នកទទួលបានជ័យលាភី – លេខ១ ៖ ពានរង្វាន់មេដាយមាសមួយ អាហាររូបករណ៍សិក្សា១០០% បណ្ណសរសើរ និងវត្ថុអនុស្សាវរីយ៍ – លេខ២ ៖ ពានរង្វាន់មេដាយប្រាក់មួយ អាហាររូបករណ៍សិក្សា៧៥% បណ្ណសរសើរ និងវត្ថុអនុស្សាវរីយ៍ – លេខ៣ ៖ ពានរង្វាន់មេដាយសំរឹទ្ធិមួយ អាហាររូបករណ៍សិក្សា៥០% បណ្ណសរសើរ និងវត្ថុផងដែរ។
កម្មវិធីនេះធ្វើឡើងដើម្បីជំរុញឱ្យសិស្សានុសិស្សឧស្សាហ៍ព្យាយាម ខិតខំប្រឹងប្រែងរៀនសូត្រ និងកាន់តែពូកែជាងមុនលើមុខវិជ្ជាភូមិវិទ្យា និងផែនដីវិទ្យា និងបង្កើនចំណេះដឹងលើភូមិសាស្រ្តជាតិកាន់តែទូលំទូលាយ ជាពិសេសគឺជំរុញលើកស្ទួយវិស័យទេសចរណ៍ ដែលកំពុងមានការចាប់អារម្មណ៍ជាខ្លាំងពីសំណាក់ភ្ញៀវទេសចរជាតិ និងអន្តរជាតិ។
សូមចុចតំណលីងខាងក្រោមដើម្បីទស្សនារូបភាពបន្ថែម៖ការប្រកួតចំណេះដឹងភូមិសាស្ត្រជាតិ ម៉េងលី ជេ. គួច លើកទី១០ វគ្គផ្ដាច់ព្រ័ត្រ
ថ្ងៃទី១០ ខែមិថុនា ឆ្នាំ២០២៤